საქართველოს ეკონომიკისა დამდგრადი განვითარების სამინისტროს ინოვაციების და ტექნოლოგიების სააგენტოს ინიციატივით, ცხადდება რეგიონული პრე-აქსელერატორის პროგრამა საქართველოს სამ რეგიონში (სამეგრელო, სვანეთი, რაჭა-ლეჩხუმი). პროგრამა ხორციელდება USAID-ის ფინანსური მხარდაჭერით, ძლიერი სოფლის პროგრამის ფარგლებში და გულისხმობს ინტენსიური სამეწარმეო ტრენინგების ციკლს, რომელიც დაეხმარება, რეგიონში მცხოვრებ სტარტაპერებს განავითარონ საკუთარი ბიზნეს იდეები, იდეიდან პროდუქტამდე და მოემზადონ სააგენტოს მიერ გამოცხადებული რეგიონული საგრანტო პროგრამებისთვის.
კონკურსის მიზანია, რეგიონისთვის შეირჩეს მომსახურების მიმწოდებელი ორგანიზაცია, რომელიც უზრუნველჰყოფს პრე-აქსელერატორის პროგრამის ხარისხიან და სრულყოფილ ორგანიზებას. განაცხადის შემოტანა შესაძლებელია, როგორც მხოლოდ ერთი ასევე ყველა მითითებული რეგიონისთვის. თითოეულ რეგიონზე განსაზღვრული მაქსიმალური ბიუჯეტი შეადგენს 35 000 ლარს.
განაცხადების წარდგენის ბოლო ვადაა 2023 წლის 10 აპრილი