650 000 ლარიანი გრანტები

• საგრანტო ხელშეკრულების გაფორმების შემდგომ, რა დოკუმენტაცია უნდა წარმოადგინოს აპლიკანტმა იმისათვის, რომ ჩაერიცხოს პირველი ტრანში?

  გრანტის მიმღებმა უნდა წარმოადგინოს შესაბამისი კვარტლის თანადაფინანსების თანხის საგრანტო ანგარიშზე ჩარიცხვის დამადასტურებელი დოკუმენტი და შევსებული თანხის მოთხოვნის განაცხადი (დანართი MG8) .

• კონკურსში გამარჯვების შემთხვევაში, რა დოკუმენტაცია უნდა წარმოადგინოს აპლიკანტმა, რომ მასთან გაფორმდეს საგრანტო ხელშეკრულება?

  იმისათვის, რომ გაფორმდეს საგრანტო ხელშეკრულება, გამარჯვებულმა აპლიკანტმა უნდა წარმოადგინოს შემდეგი დოკუმენტაცია:
  1. თანადაფინანსების ხელმისაწვდომობის დამადასტურებელი დოკუმენტი (საინვესტიციო დაფინანსების ხელშეკრულება (მაგ.კაპიტალდაბანდება), სესხის ხელშეკრულება (მაგ. საკრედიტო ხელშეკრულებები ბანკებთან ან საფინანსო ორგანიზაციებთან, სასესხო ხელშეკრულებები), კომპანიის ფულადი შენატანი (მაგ, ფულადი სახსრების შემოდინება მიმდინარე ან მოსალოდნელი ბიზნეს ოპერაციებიდან) და სხვა ანალოგიური წყაროები);
  2. ბუნებრივ და სოციალურ გარემოზე ზემოქმედების მართვის გეგმა (ასეთის აუცილებლობის შემთხვევაში);
  3. ბანკის მიზნობირივი ანგარიში, რომელზეც უნდა ჩაირიცხოს გრანტის და თანადაფინანსების რესურსები და არ იქნება სხვა რესურსების ბრუნვა, გარდა გრანტის და თანადაფინანსების თანხებისა;
  4. GITA-სთან შეთანხმებული ბიუჯეტის ფაილი.

• პროექტის თანადაფინანსების თანხა პროექტის დაწყებისთანავე მთლიანად უნდა ჩაირიცხოს საგრნატო ანგარიშზე?

  თანადაფინანსების თანხა გრანტის საბანკო ანგარიშზე ირიცხება იმ პროპორციით, რასაც ითვალისწინებს პროექტის ბიუჯეტი შესაბამისი კვერტლების მიხედვით.

• როდის უნდა ჩარიცხოს გამარჯვებულმა აპლიკანტმა თანადაფინანსების თანხა შესაბამის ანგარიშზე?

  თანადაფინანსების თანხის ჩარიცხვა შესაბამის საგრანტო ანგარიშზე ხდება საგრანტო ხელშეკრულების გაფორმების შემდგომ - GITA-ს მიერ პირველი ტრანშის გადმორიცხვამდე.

• კერძო თანადაფინანსებად შესაძლოა განხილული იქნეს უძრავი ქონება ან ნებისმიერი არაფულიდი შეწირულობა?

  კონკურის მიზნებისთვის პროქტის თანადაფინანსებად განიხილება მხოლოდ ფულადი რესურსები.

• კერძო თანადაფინანსების არსებობა სავალდებულოა?

  კერძო თანადაფინანსების არსებობა სავალდებულოა პროექტის ღირებულების (გრანტის და თანადაფინანსების ჯამის) სულ მცირე 50%-ის ოდენობით.

• როდის უნდა წარმოადგინოს აპლიკანტმა თანადაფინანსების არსებობის დოკუმენტური მტკიცებულება?

  თანადაფინანსების არსებობის დოკუმენტური მტკიცებულების წარმოსადგენად გამარჯვებულ აპლიკანტებს ეძლევათ 3 თვის ვადა გამარჯვებულად გამოვლენის მომენტიდან.

• სავალდებულოა თანადაფინანსების დოკუმენტის კონკურსის პირველივე ეტაპზე წარმოდგენა?

  არ არის სავალდებულო.

• რა ტიპის ხარჯების გათვალისწინება არ შეიძლება პროექტის ბიუჯეტში?

  პროექტის ფარგლებში არამიზნობრივ ხარჯებად განიხილება: 
  1. ნებიესმიერი მხარისათვის გადასახდელი პროცენტიანვალი;
  2. გაუთვალისწინებელი ხარჯები ან რეზერვები შესაძლო მომავალი დანაკარგებისა ანდავალიანებებისათვის;
  3. დღგ-ს6, მოგების და იმპორტის გადასახადი იმ შეღავათების შესაბამისად, რაც ბენეფიციარებისათვის არის გათვალისწინებული საქართველოს საგადასახადო კოდექსის შესაბამის მუხლებში.
  4. ბიუჯეტის ის პუნქტები, რომელიც უკვე დაფინანსებულია სხვა სტრუქტურის, პროგრამის ან კომპანიის/დაწესებულების მეშვეობით (ორმაგი დაფინანსების თავიდან აცილება);
  5. კურსთაშორისი სხვაობით გამოწვეული დანაკარგები, აგრეთვე მოსაკრებლები და ჯარიმები;
  გართობისადა წარმომადგენლობითი ხარჯები;
  7. ადგილმონაცვლეობის ხარჯები ან შეწირულობები;
  8. ზემოთ ჩამოთვლი პუნქტებთან ერთად, სავალდებულო შეზღუდვის სახით, სამოქალაქო სამშენებლო სამუშაოები (მაგ., ადაპტაცია, რემონტი და მშენებლობა), არ უნდა აღემატებოდეს პროექტის საერთო ბიუჯეტის 25%-ს და შეიძლება მხოლოდ დაფინანსებული იყოს თანადაფინანსების სახსრებიდან, აპლიკანტის მიერ.
  დეტალური ინფორმაცია იხილეთ გრანტების სახელმძღვანელოში.

• რა ტიპის ხარჯების გათვალისწინება შეიძლება პროექტის ბიუჯეტში?

  პროექტის ბიუჯეტი შესაძლოა ითვალისწინებდეს, შრომის ანაზღაურებას; აღჭურვილობის, კვლევითი და საცდელი მასალების შესყიდვას/იჯარას; ოფისის და ბიზნესის ოპერირების ხარჯებს; კვლევით და საცდელ მომსახურებას, ქვეკონტრაქტებს; კვლევითი და საცდელი დარგის ექსპერტების/მრჩევლების დაქირავების ხარჯებს; პატენტებზე განაცხადის შეტანას და საზღაურს, სერთიფიცირებას და  ინტელექტუალურ საკუთრებასთან დაკავშირებულ ნებისმიერ ხარჯებს; გაყიდვების და მარკეტინგის ხარჯებს; ტრენინგის ხარჯებს; სხვა ხარჯებს, რომელიც აუცილებელია პროექტის განხორციელებისთვის (იხილეთ პროექტის ბიუჯეტის ფაილი დანართი MG3).

• შეიძლება მოვითხოვო 650 000 ლარზე ნაკლები გრანტი?

  გრანტის მინიმალური ოდენობა, რაც შიძლება აპლიკანტმა მოითხოვოს არის 150 000 ლარი.

• მინიმუმ რა თანხა უნდა იქნას მოთხოვნილი გრანტის სახით?

  გრანტის მინიმალური ოდენობა, რაც შიძლება აპლიკანტმა მოითხოვოს არის 150 000 ლარი.

• მაქსიმუმ რა თანხის მოთხოვნა შეუძლია აპლიკანტს გრანტის სახით?

  გრანტის მაქსიმალური ოდენობა შეადგენს 650 000 ლარს.

• პროექტის ბიუჯეტი შესაძლოა ითვალისწინებს ხელფასებს?

  პროექტის ბიუჯეტი შესაძლოა ითვალისწინებდეს ხელფასებს.

• რა საკვალიფიკაციო მოთხოვნებს უნდა აკმაყოფილებდეს საწარმო, კონკურსში მონაწილეობის მისაღებად?

  საწარმო კონკურსში მონაწილეობის მისაღებად უნდა აკმაყოფილებდეს შემდეგ მოთხოვნებს: 1. კონკურსში განაცხადის წარმოდგენამდე, კომპანიის რეგისტრაციიდან გასული უნდა იყოს მინიმუმ 1 წელზე მეტი; 2. განაცხადის წარმოდგენამდე ბოლო თორმეტი თვის მონაცემებით კომპანიის წლიური ბრუნვა არ უნდა აღემატებოდეს 30 000 000 (ოცდაათი მილიონი) ლარს; 3. განმცხადებელი კომპანიის წილის 50%-ს ან მეტს არ უნდა ფლობდეს სხვა კომპანია.

• უცხოეთის საწარმოს (არარეზიდენტი საწარმო) შეუძლია კონკურსში მონაწილეობა?

  უცხოეთის საწარმოს (არარეზიდენტი საწარმო) კონკურსში მონაწილეობა არ შეუძლია.

• ვის შეუძლია კონკურსში მონაწილეობა თანა-აპლიკანტის სახით?

  კერძო სექტორის (მინიმუმ, 51% კერძო საკუთრებაში) ბიზნეს სუბიექტი, რომელიც დარეგისტრირებულია საქართველოს მეწარმეთა შესახებ მოქმედი კანონის თანახმად, საჯარო რეესტრის ეროვნული სააგენტოს მიერ, ან საქართველოს უმაღლეს საგანმანათლებლო დაწესებულებას, ან საქართველოს მეცნიერებათა აკადემიებს და სამეცნიერო კვლევით ინსტიტუტებს.

• ვის შეუძლია კონკურსში მონაწილეობა აპლიკანტის სახით?

  აპლიკანტი (და მთავარი აპლიკანტი, თუკი პროექტები იგზავნება კონსორციუმის მიერ) არის კერძო სექტორის (მინიმუმ, 51% კერძო საკუთრებაში) ბიზნეს სუბიექტი, რომელიც დარეგისტრირებულია საქართველოს მეწარმეთა შესახებ მოქმედი კანონით, და რეგისტრირებულია საქართველოს საჯარო რეესტრის ეროვნული სააგენტოს (NAPR) მიერ, ხოლო მისი წლიური ბრუნვა არ აღემატება 30 მილიონ ლარს.

• გუნდის წევრების რაოდენობა შეზღუდულია?

  გუნდის წევრების რაოდენობა არ არის შეზღუდული.

• იმ შემთხვევაში, თუ განმცხადებელმა კონკურსში ვერ გაიმარჯვა, შეუძლია თუ არა იგივე განაცხადი მეორედ წარმოადგინოს კონკურსის შემდგომ რაუნდზე?

  შეუძლია.

• არის თუ არა შესაძლებლობა, რამოდენიმე აპლიკაციის ერთდროულად შემოტანა ერთი განმცხადებლის მიერ?

  აპლიკანტს შეუძლია ერთზე (1) მეტი აპლიკაცია შეავსოს, სხვადასხვა რაუნდის განმავლობაში. აპლიკანტს შეუძლია მიიღოს ერთზე (1) მეტი გრანტი, IMG პროგრამის სხვადასხვა რაუნდის განმავლობაში. თუმცა, საერთო ჯამში, მთლიანი IMG პროგრამის განმავლობაში, ერთ აპლიკანტს/თანააპლიკანტს არ შეუძლია 650,000 ლარზე მეტის მიღება.

• რა ტიპის საქმიანობა არ ფინანსდება კონკურსის ფარგლებში?

  კონკურსის ფარგლებში დასაფინანსებლად არ განიხილება: სამხედრო, ბირთვულ ტექნოლოგიებთან, სპირტის და სპირტიანი სასმელების (გარდა ღვინისა), თამბაქოს, და სახიფათო ნივთიერებების წარმოება. ასევე, ნებისმიერი სხვა საქმიანობისა, რომელიც შეტანილია პროექტის GENIE ESMF-ის („ბუნებრივ და სოციალურ გარემოზე ზემოქმედების მართვის ჩარჩო დოკუმენტი“) II დანართში მოცემულ აკრძალულ საქმიანობათა ნუსხაში (იხ. დანართი MG1).

• არსებობს თუ არა პრიორიტეტული დარგობრივი მიმართულებები, რომლის დაფინანსებაც იგეგმება აღნიშნულ კონკურსში?

  კონკურსის მარეგულირებელი ნორმებით არ არის დამტკიცებული პრიორიტეტული დარგობრივი მიმართულებები.

• არსებობს თუ არა დარგობრივი შეზღუდვა კონკურსში მონაწილე პროექტისთვის?

  დარგობრივი შეზღუდვა კონკურსში მონაწილე პროექტებისთვის არ არის დადგენილი.

• რა დოკუმენტები უნდა ატვირთოს აპლიკანტმა გრანტების პორტალზე იმისათვის, რომ განაცხადი განხილული იქნეს დასაფინანსებლად?

  აპლიკანტმა პორტალზე უნდა ატვირთოს შემდეგი დოკუმენტები:
  1. საპროექტო წინადადების დოკუმენტები:
  აპლიკანტის განცხადება (დანართი MG5) - ქართულ და ინგლისურ ენაზე (ჩაშენებულია პორტალში და ეთანხმება აპლიკანტი შესაბამის ღლაკზე დაჭერით);
  • ბიზნეს გეგმა (დანართი MG1) - ქართულ და ინგლისურ ენაზე;
  • პროექტის ბიუჯეტი (დანართი MG3) - ქართულ და ინგლისურ ენაზე;
  • ფინანსური პროგნოზი (დანართი MG4) - ქართულ და ინგლისურ ენაზე;
  • გარემოსდაცვითი შეფასების კითხვარი (შემდგომში ESQ) (ჩაშენებულია პორტალში და ივსება ონლაინ) - ქართულ და ინგლისურ ენაზე;
  2. დამხმარე დოკუმენტაცია:
  საჯარო რეესტრის ეროვნული სააგენტოს მიერ (განაცხადის წარმოდგენამდე არაუმეტეს ექვსი (6) თვით ადრე) გაცემული უახლესი ამონაწერი მეწარმეთა და არასამეწარმეო (არაკომერციული) იურიდიული პირების რეესტრიდან - ქართულ ენაზე;
  • პროექტისათვის დაქირავებული ან დასაქირავებელი ძირითადი პერსონალის (მაქსიმუმ 5) ავტობიოგრაფიები (CV) და/ან სამუშაოს აღწერა;
  თუ განმცხადებელი არ არის დღგ-ს გადამხდელი
  • ცნობა შემოსავლების სამსახურიდან, იმის თაობაზე, რომ განმცხადებელი არ წარმოადგენს დღგ-ს გადამხდელს (ატვირთვა საველდებულოა თუ აპლიკანტი საწარმოა)
  ან თუ განმცხადებელი დღგ-ს გადამხდელია
  • განაცხადის წარმოდგენამდე ბოლო თორმეტი თვის განმავლობაში დეკლარირებული დღგ-ს ყოველთვიური დეკლარაციები.
  დეტალური ინფორმაცია იხილეთ გრანტების სახელმძღვანელოში.

• რამდენ ხანში გახდება ცნობილი კონკურსში გამარჯვებულების ვინაობა?

  კონკურსში გამარჯვებულების ვინაობა ცნობილი გახდება განაცხადების წარმოდგენიდან მაქსიმუმ მაქსიმუმ 3 თვის ვადაში.

• როდის არის განაცხადების წარდგენის ბოლო ვადა?

  კონკურსში განაცხადების მიღება ხდება უწყვეტ რეჟიმში.

• რა სიხშირით ვლინდება კონკურსში გამარჯვებულების ვინაობა?

  გამარჯვებულიების ვინაობა ვლინდება წელიწადში ოთხჯერ.

• რა სიხშირით ცხადდება კონკურსი?

  კონკურსში განაცხადების მიღება ხდება უწყვეტ რეჟიმში.

• სად შეიძლება გავეცნოთ კონკურსის შესახებ ინფორმაციას დეტალურად?

  კონკურსის შესახებ დეტალური ინფორმაცია შეგიძლიათ იხილოთ შემდეგ ბმულზე.

• როგორ უნდა წარვადგინო განაცხადი საგრანტო კონკურსში მონაწილეობის მისაღებად?

  განაცხადის წარდგენა ხდება ვებ-პორტალის მეშვეობით.

• რას შეიძლება ეხებოდეს ინოვაციურობა?

  ინოვაციურობა შესაძლოა ეხებოდეს ნებისმიერ სექტორში (გარდა კონკურსის სახელმძღვანელოში აღწერილი აკრძალული საქმიანობებისა) არსებულ ან ახალ ბაზარზე, ინოვაციური ტექნოლოგიების/მომსახურების შექმნას ან  გაუმჯებოსებას, ახალი ბიზნეს მოდელების დანეგრვას ბაზრის სწრაფი კაპიტალიზაციისთვის.

• რა კრიტერიუმების მიხედვით განიხილება პროექტი ინოვაციურად?

  ინოვაციურობა ფასდება შემდეგი კრიტერიუმებით: განაცხადი გამოიწვევს არსებული ტექნოლოგიების, პროდუქტების ან სერვისების გაუმჯობესებას?

  •  რა დონეზე ახდენს განაცხადი უნიკალური კონცეფციების ან გამოყენების შემოთავაზებას ან კვლევას?
  •  იწვევს თუ არა განაცხადი ტექნოლოგიების შექმნას, რომლებიც შემდგომ აღმოჩენებს გამოიწვევს?
  • შემოთავაზებულ ტექნოლოგიას, პროდუქტს ან სერვისს აქვს ახალი IP-ის შექმნის პოტენციალი?
  • აპლიკანტი ფლობს სრულ მესაკუთრეობას/უფლებებს, რათა განავითაროს და გამოიყენოს შემუშავებული ტექნოლოგია/პროდუქტი ან სერვისი
• პროექტის დასრულების შემდგომ, შესაძლებელია თუ არა ბიზნესის წილების გაყიდვა?

  შესაძლებელია.

• კონკურსში გამარჯვების შემთხვევაში, რა ტიპის ტექნიკურ დახმარებას გაუწევს GITA ბენეფიციარს?

  კონკურსში გამარჯვებულ ბენეფიციარებს ჩაუტარდებათ ტრენინგები ფინანსური რესურსების ხარჯვასთან და GITA-ში კვარტალური ანგარიშგების წარდგენასთან დაკავშირებით.

• კომპანიის მიერ მიღებული შემოსავლების განაწილება უნდა შეთნხმდეს თუ არა დონორთან?

  პროექტის განხორციელების შედეგად საწარმოს მიერ მიღებული შემოსავლების განაწილებაში GITA არ ერევა.

• შესაძლებელია პროექტის ხანგრძლივობა იყოს 12 თვეზე ნაკლები? მაგალითად 6 თვე?

  შეიძლება. პროექტის მინიმალური ხანგრძლივობა არ არის შეზღუდული კონკურსის პირობებით.

• მინიმუმ რა ხანგრძლივობის შეიძლება იყოს საგრანტო პროექტი?

  პროექტის მინიმალური ხანგრძლივობა არ არის შეზღუდული საგრანტო კონკურსის პირობებით.

• მაქსიმუმ რა ხანგრძლივობის შეიძლება იყოს საგრანტო პროექტი?

  საგრანტო პროექტის მაქსიმალური ხანგრძლივობა შეადგენს 24 თვეს (ვადის ათვლა იწყება GITA-ს მიერ პირველი ტრანშის გადმორიცხვის დღიდან).

• გაიმართება თუ არა პერსონალური კონსულტაციები საგრანტო კონკურსთან დაკავშირებულ საკითხებზე?

  საგრანტო კონკურსთან დაკავშირებულ საკითხებზე საინფორმაციო დღეების შესახებ ინფორმაცია შეგიძლიათ იხილოთ GITA-ს Web/Facebook გვერდზე.