ხშირად დასმული კითხვები - სტარტაპ საქართველო

• ვინ აფასებს განაცხადებს სტარტაპ საქართველოს საგრანტო პროგრამის ფარგლებში?

  განაცხადები ხარისხობრივი კრიტერიუმების შესაბამისად  ფასდება საერთაშორისო ექსპერტების მიერ, ხოლო ტექნიკურ კრიტერიუმებზე კი სააგენტოს მიერ.

• შეიძლება თუ არა ფიზიკურმა პირმა შემოიტანოს განაცხადი და მიიღოს დაფინანსება სტარტაპ საქართველოს საგრანტო პროგრამის ფარგლებში?

  შეიძლება, იმ პირობით, თუ გამარჯვების შემთხვევაში საგრანტო ხელშეკრულების გაფორმებამდე დაარეგისტირებს ორგანიზაციას.

• რამდენია თანადაფინანსების წილის ოდენობა სტარტაპ საქართველოს საგრანტო პროგრამაში?

  სულ მცირე 10%.

• რამდენია მოთხოვნილი გრანტის მაქსიმალური ოდენობა სტარტაპ საქართველოს საგრანტო პროგრამაში?

  100’000 ლარი.

• რა არის კონკურსში განაცხადის მიღების საკვალიფიკაციო კრიტერიუმები?

  ამ კითხვაზე სრული პასუხის მისაღებად, გთხოვთ გაეცნოთ სტარტაპ საქართველოს გლობალური კომპონენტის თანადაფინანსების გრანტების სახელმძღვანელოს შემდეგ თავებს:

  2. საკვალიფიკაციო კრიტერიუმები;

  5. პროექტის შეფასება და დაფინანსების გადაწყვეტილება.

   

   

• შეიძლება თუ არა თანადაფინანსება სხვა საგრანტო წყაროდან მოვიძიო?

  პროექტის მიზნებისათვის სასურველია თანადაფინანსება მოტანილი იყოს კერძო სექტორიდან, თუმცა დასაშვებია თანადაფინანსების სხვა წყაროებიც, გარდა სახელმწიფო გრანტებისა.

• დაფინანსდება თუ არა ღვინის წარმოება და/ან ღვინის ინდუსტრიასთან დაკავშირებული წარმოება/მომსახურება?

  ღვინის წარმოება და/ან ღვინის ინდუსტრიასთან პირდაპირ დაკავშირებული წარმოება და მომსახურება შესაძლოა დაფინანსდეს, თუ იდეა აკმაყოფილებს ინოვაციების კრიტერიუმებს.