საქართველოს ინოვაციებისა და ტექნოლოგიების სააგენტო აცხადებს საგრანტო კონკურსს "მცირე და საშუალო მეწარმეთა ციფრული ტრანსფორმაციის ხელშეწყობა R&D-ის მეშვეობით".
საგრანტო კონკურსში მონაწილეობის მიღება შეუძლიათ საქართველოში რეგისტრირებულ მცირე და საშუალო მეწარმეებს.
პროგრამის მიზანია, ხელი შეუწყოს მცირე და საშუალო მეწარმეთა ციფრული ტექნოლოგიების ინტეგრაციას ბიზნეს პროცესების სხვადასხვა ასპექტში. საგრანტო პროგრამა მიმართულია ინოვაციური, მდგრადი და ეფექტიანი ციფრული გადაწყვეტილებების შექმნისკენ, რომლებიც დააკმაყოფილებს გრანტის მიმღები SME-ის სპეციფიკურ საჭიროებებს და გაზრდის მათ კონკურენტუნარიანობას.
საგრანტო განაცხადი ფასდება შემდეგი კრიტერიუმების მიხედვით:
- ციფრული ტრანსფორმაციის საჭიროება;
- ახალი ან მნიშვნელოვნად გაუმჯობესებული ციფრული გადაწყვეტის ხედვა;
- პარტნიორი ორგანიზაციის შესაბამისობა მოთხოვნებთან და გადაწყვეტის განხორციელების შესაძლებლობა;
- გადაწყვეტის გავლენა SME-ის ბიზნეს პროცესების ეფექტურობის გაზრდაზე.
ნებისმიერი კითხვის არსებობის შემთხვევაში, დაგვიკავშირდით - [email protected]
თანადაფინანსების გრანტების სახელმძღვანელო და სხვა საჭირო დოკუმენტები ამავე გვერდზეა განთავსებული.
განაცხადების წარდგენის ბოლო ვადაა 2024 წლის 10 ნოემბერი.