satest ამ პორტალის გამოყენებით მომხმარებელი სრულად ეთანხმება „მომხმარებლის ხელშეკრულების“ (შემდგომში „ხელშეკრულების“) წესებსა და პირობებს.

წინამდებარე ხელშეკრულების მიზნებისთვის გამოყენებულია შემდეგი ტერმინები:

„თქვენ“, „თქვენი“, „მომხმარებელი“, „აპლიკანტი“ ან „ექსპერტი“ გეხებათ თქვენ, პირს რომელიც იყენებს ვებ პორტალს და ეთანხმება მომხმარებლის ხელშეკრულებას.

„ჩვენ“, „ჩვენი“ „GITA“ ან „სააგენტო“ ეხება საქართველოს ინოვაციების და ტექნოლოგიების სააგენტოს.

„მხარე“, „მხარეები“ ან „ჩვენ“, ეხება ორივე მხარეს ანუ მომხმარებელს და ჩვენ, ან მხოლოდ მომხმარებელს ან მხოლოდ ჩვენ.

გრანტების პორტალი ან უბრალოდ პორტალი ეხება ვებ პორტალს, რომელიც განთავსებულია დომენზე: grants.gov.ge.

ჩვენ, ერთპიროვნული და უპირობო დისკრეციის ფარგლებში, ვიტოვებთ უფლებას, ნებისმიერ დროს, სრულად ან ნაწილობრივ შევცვალოთ წინამდებარე ხელშეკრულება, რომელიც მომხმარებლისთვის ძალაში შევა პორტალზე გამოქვეყნების მომენტიდან.

ასეთი ცვლილებების ძალაში შესვლის შემდეგ, თქვენს მიერ პორტალის გამოყენება ან გამოყენების გაგრძელება ჩაითვლება თანხმობად ხელშეკრულების ბოლო რედაქციაზე.

არ გამოიყენოთ ან არ გააგრძელოთ პორტალის ან მისი სერვისების გამოყენება, იმ შემთხვევაში, თუ არ ეთანხმებით ხელშეკრულებაში მოცემული წესების და პირობების ბოლო რედაქციას.

საქართველოს ინოვაციების და ტექნოლოგიების სააგენტო უფლებამოსილია შეაჩეროს სერვისის მოწოდება თქვენს მიერ ამ ხელშეკრულების პირობების დარღვევის შემთხვევაში.

პორტალი და მისი სერვისები ხელმისაწვდომია მხოლოდ იმ მომხმარებლებისთვის, ვინც საქართველოს კანონმდებლობის შესაბამისად უფლებამოსილია შევიდეს სახელშეკრულებო ურთიერთობაში.

ანგარიშები

პორტალის გარკვეული ფუნქციების ან სერვისის გამოსაყენებლად, მომხმარებელმა უნდა შექმნას აპლიკანტის ან ექსპერტის ანგარიში ამ პორტალით უზრუნველყოფილ პროცესებში მისი როლიდან გამომდინარე.

საქართველოს ინოვაციების და ტექნოლოგიების სააგენტოს წინაშე თქვენ აცხადებთ და იძლევით გარანტიას რომ, თქვენს მიერ ანგარიშის შექმნისას ან ნებისმიერი სხვა მიზნისთვის წარმოდგენილი ყველა ინფორმაცია არის სრული და უტყუარი, და რომ თქვენ პასუხისმგებელი ხართ, თქვენს ანგარიშში წარმოდგენილი ინფორმაციის ნამდვილობაზე, სისრულესა და უტყუარობაზე. თქვენ ასევე პასუხისმგებელი ხართ თქვენი ანგარიშით განხორციელებულ ქმედებებზე, მიუხედავად იმისა ნებადართული იყო თუ არა იგი თქვენს მიერ. თქვენ ვალდებული ხართ დაიცვათ მომხმარებლის ინფორმაცია, მათ შორის, მომხმარებლის სახელის და პაროლის ჩათვლით. უსაფრთხოების მიზნებისთვის, სააგენტო რეკომენდაციას გიწევთ შეცვალოთ პაროლი სულ მცირე სამ (3) თვეში ერთხელ.

თქვენ ვალდებული ხართ დაუყოვნებლივ შეგვატყობინოთ უსაფრთხოების დარღვევის ან თქვენი ანგარიშის უნებართვო გამოყენების შესახებ. და აცნობიერებთ, რომ შესაძლოა დაგეკისროთ პასუხისმგებლობა იმ შემთხვევაში თუ სააგენტოს ან სხვა პირებს მიადგებათ ზიანი თქვენი ანგარიშით განხორციელებული ქმედებებით, მიუხედავად იმისა, გამოწვეულია ეს თქვენს მიერ თუ სხვა ავტორიზებული თუ არა ავტორიზებული პირის მიერ.

პორტალის და მისი სერვისების ხელმისაწვდომობა

ამ ხელშეკრულების წესების და პირობების შესაბამისად, სააგენტო ვალდებულია გონივრული ძალისხმევის ფარგლებში უზრუნველყოს პორტალის და მისი სერვისების ხელმისაწვდომობა ყოველდღიურად 24 საათის განმავლობაში.

თქვენ ადასტურებთ და ეთანხმებით, რომ დრო და დრო პორტალის მუშაობა და მასთან წვდომა შესაძლოა შეიზღუდოს, ნებისმიერი მიზეზით, რაც მოიცავს, მაგრამ არ შემოიფარგლება, პორტალზე განხორციელებული პერიოდული ტექნიკური სამუშაოებით, ხარვეზების გამოსწორებით ან განახლებებით. ან გონივრული კონტროლის მიღმა ან გონივრულად არაპროგნოზირებადი მიზეზებით, რაც მოიცავს მაგრამ არ შემოიფარგლება, სატელეკომუნიკაციო ან ციფრული ტრანსმისიის კავშირის წყვეტით, ქსელური შეტევებით, ქსელის გადატვირთვით ან ხარვეზებით.

თქვენ ადასტურებთ და ეთანხმებით, რომ ჩვენ ვერ ვაკონტროლებთ პორტალის და მისი სერვისების ხელმისაწვდომობას უწყვეტად ან გრძელვადიან პერსპექტივაში და რომ ჩვენ არ გვეკისრება თქვენს და მესამე პირების წინაშე ამასთან დაკავშირებით პასუხისმგებლობა.

მომხმარებლის ხელშეკრულების ენა

ეს ხელშეკრულება შესრულებულია ქართულ და ინგლისურ ენებზე. ხელშეკრულების ქართულ და ინგლისურ ენებს შორის შეუსაბამობების შემთხვევაში უპირატესობა მიენიჭება ქართულ ენაზე შესრულებულ ხელშეკრულებას.

ქუქი-ჩანაწერები

თანამედროვე ინტერაქტიული ვებ-გვერდები იყენებენ ქუქი-ჩანაწერებს, რათა საშუალება ჰქონდეთ აღადგინონ მომხმარებლის მონაცემები. ქუქი-ჩანაწერები გამოიყენება პორტალზე, რათა გააადვილოს პორტალის მოხმარება. გრანტების პორტალის გამოყენებით თქვენ თანხმობას აცხადებთ, სააგენტოს მიერ ქუქი-ჩანაწერების გამოყენებაზე.

ინტელექტუალური საკუთრების უფლება

თუ სხვა რამ არ არის მოცემული, საქართველოს ინოვაციების და ტექნოლოგიების სააგენტოს გააჩნია ინტელექტუალური საკუთრების უფლება ყველა იმ მასალაზე, რომელიც სააგენტოს მიერ არის განთავსებული საგრანტო პორტალზე. ყველა ინტელექტუალური საკუთრების უფლება დაცულია. თქვენ შეგიძლიათ დაათვალიეროთ და/ან დაბეჭდოთ გვერდები https://grants.gov.ge-დან თქვენი პირადი მიზნებისთვის, გარდა იმ შემთხვევებისა როდესაც ასეთი ქმედების მიზანია:

https://grants.gov.ge-დან მასალის განმეორებით გამოქვეყნება
https://grants.gov.ge-ს მასალის გაყიდვა, გაქირავება ან ლიცენზიის გადაცემა
https://grants.gov.ge-დან მასალის რეპროდუქცია, დუბლირება ან კოპირება
გრანტების პორტალიდან ნებისმიერი მასალის გავრცელება გარდა იმ შემთხვევებისა როცა საქართველოს ინოვაციების და ტექნოლოგიების სააგენტომ იგი ამ მიზნით გამოაქვეყნა

ბმულები პორტალის კონტენტთან

მხოლოდ ქვემოთ ჩამოთვლილ ორგანიზაციებს შეუძლიათ გააკეთონ ბმები პორტალის კონტენტთან სააგენტოს წინასწარი თანხმობის გარეშე: სახელმწიფო სტრუქტურები, საძიებო სისტემები, საინფორმაციო ორგანიზაციები, ონლაინ დირექტორიების გამავრცელებლები.

ამ ორგანიზაციებს შეუძლიათ გამოიყენონ საჯარო კონტენტი, პუბლიკაციები და პორტალზე წარმოდგენილი სხვა ინფორმაცია თუ ასეთი ბმული არ არის (ა) დეზინფორმაციული, ან არ გულისხმობს სპონსორობას, მესამე პირის ან მისი საქონლის რეკლამირების მიზნით. სააგენტო უფლებამოსილია ერთპიროვნული დისკრეციით განიხილოს და დაამოწმოს ბმულების გამოყენებასთან დაკავშირებული სხვა მოთხოვნები.

ბმულის გამოყენებისას შემდეგი ინფორმაცია უნდა იყოს მითითებული

ჩვენი კორპორატიული დასახელება, ან

URL (ვებ) მისამართი

ჩვენი პორტალის ნებისმიერი სხვა აღწერა ან იმ მასალის აღწერა, რომელთანაც ხდება მიბმა.

აკრძალულია საქართველოს ინოვაციების და ტექნოლოგიების სააგენტოს ლოგოს ან სხვა ტიპის ბრენდული გაფორმების გამოეყენება სასაქონლო ნიშნის ლიცენზიის ხელშეკრულების გარეშე..

სააგენტოს უფლებამოსილება

ჩვენ ვიტოვებთ უფლებას, ნებისმიერ დროს და ერთპიროვნული დისკრეციით მოვითხოვოთ თქვენს მიერ ყველა ან კონკრეტული ბმულების წაშლა. ასეთი მოთხოვნის შემთხვევაში თქვენ ვალდებული ხართ დაუყოვნებლივ წაშალოთ ჩვენი პორტალიდან გამოყენებული ყველა ბმული. ჩვენ ასევე ვიტოვებთ უფლებას ცვლილებები შევიტანოთ ამ ხელშეკრულებაში და ბმულების გამოყენების პროცედურებში დროის ნებისმიერ მონაკვეთში. ჩვენი პორტალიდან ბმულების გამოყენებით თქვენ ეთანხმებით შეიზღუდოთ და დაიცვათ ამ ხელშეკრულებაში მოცემულ ბმულების გამოყენების წესები და პირობები.

ბმულების წაშლა გრანტების პორტალიდან

იმ შემთხვევაში თუ აღმოაჩენთ, რომ ჩვენს პორტალზე გამოყენებული ბმული ან ნებისმიერი მიბმული ვებ საიტი ექვემდებარება გასაჩივრებას, გთხოვთ, დაუკავშირდეთ სააგენტოს ქვემოთ მოცემულ მისამართებზე. ჩვენ განვიხილავთ თქვენს მოთხოვნას ბმულის წაშლის თაობაზე. სააგენტო არ იღებს მისი წაშლის ან ასეთ მოთხოვნაზე პასუხის გაცემის ვალდებულებას

კონფიდენციალურობის დაცვა

სააგენტო უზრუნველყოფს მისი კომპეტენციის ფარგლებში და მოქმედი კანონმდებლობის საფუძველზე, მომხმარებლის პერსონალურ მონაცემების დაცვასა და მის კონფიდენციალურობას.

საკონტაქტო ინფორმაცია

ამ ხელშეკრულებასთან დაკავშირებულ ნებისმიერ საკითხზე გთხოვთ, მოგვმართოთ ქვემოთ მოცემულ ელ. ფოსტაზე ან ფიზიკურ მისამართზე:

სსიპ „ინოვაციების და ტექნოლოგიების სააგენტო“

ინოვაციების ქ. 7, ოქროყანა, თბილისი 0114, საქართველო

ელ. ფოსტა: info@gita.gov.ge