საქართველოს ინოვაციების და ტექნოლოგიების სააგენტოს ინიციატივით, ცხადდება სტუდენტური სტარტაპის პროგრამა ქ. გორის უნივერსიტეტის და პროფესიული კოლეჯის სტუდენტებისთვის. პროგრამა ხორციელდება USAID-ის ფინანსური მხარდაჭერით და გულისხმობს შიდა ქართლის რეგიონში სტუდენტების მაქსიმალურად დაინტერესებას ტექნოლოგიური მეწარმეობით და პარალელურად ნივთების ინტერნეტის“ (IoT), ხელოვნური ინტელექტის ( AI ), eCommerce, WEB და Mobile დეველოპმენტის განვითარების მნიშვნელობით, პრაქტიკებით და ამის საფუძველზე ახალი ტექნოლოგიური სტარტაპერების აღმოჩენას. პროექტი ორიენტირებულია გორის სახელმწიფო სასწავლო უნივერსიტეტის და პროფესიული კოლეჯების სტუდენტების სამეწარმეო უნარებისა და შესაძლებლობების განვითარებაზე.
- სტუდენტური სტარტაპის უმთავრესი მიზნებია:
- რეგიონებში მცხოვრებ ახალგაზრდა ადამიანებში გააღვივოს და განავითაროს ინოვაციური აზროვნების, იდეების გენერირებისა და სტარტაპის შენების ძირითადი უნარები.
- მონაწილეებისთვის სტარტაპის საწყისი ეტაპის წარმართვის პრაქტიკული გამოცდილების შეძენა საკუთარი იდეების განვითარების მაგალითზე.
- რეგიონებში მცხოვრები ახალგაზრდა ინოვატორების უფრო აქტიურად ჩართვა საქართველოს ინოვაციურ და სტარტაპ ეკოსისტემაში და რეგიონული სტარტაპების ფორმირება/განვითარება
- ახალგაზრდა ინოვატორებს შორის მყარი კავშირების გაჩენა და მათთვის კოლაბორაციის უპირატესობების დემონსტრაცია, წარმატებული სტარტაპების მაგალითზე
- რეგიონებში GITA-ში არსებული დაფინანსების შესახებ ინფორმირებულობის დონის გაზრდა. სტუდენტური სტარტაპი- პროგრამა გავლილი ბენეფიციარების მონაწილეობა სააგენტოს მიერ ინიცირებულ რეგიონულ საგრანტო პროგრამებში.
განაცხადების მიღების ბოლო ვადაა 1 მაისი.